((انا محسود))بقلم ا//عاطف عبد الحميد

الشاعر عاطف عبد الحميد

انا محسود....عشان بعنيكى شايفانى!
و ليا وجود....ف دنيا حلوه ساكنانى!
و مهما اغيب.... الا قيكي كما كنتي
تصونى عهود....و تحت الرمش شايلانى!
. .......
انا محسود....و عايز بيكى اتبخر!!
يا اجمل عود....بلون الحب متعطر!!
و مهما اقول....غرامك لسه مش موصوف
يا احلى وعود....و بكره الجاي متاخر!!
.......
صباحك عمر...عدانى ف غمضه عين
و حبك امر....خلا العمر احلى سنين!
و انا زعلان...على ايامى من قبلك
يا اخر صبر....رسي القلب ع الشطين!!
.........
و ايه باقى....من الاحلام اذا بنتى
و مش فاكر....حياتى قبل ما بنتى
يا قلب برىء...يفوق ف الصدق احلامى
عشان انت....حياتى و دنيتى و بنتي!!

بقلمى ا/عاطف عبد الحميد