؛؛؛؛؛؛؛ زهور الامل ؛؛؛؛؛؛؛
================
انثرى زهور الامل على صفحات الزمان
خلى عبيرك قطرة ندا تفتح ورود الجنان
عيشى الحياة بقلب طيب مليان بالحنان
اروى بحبك طريق الشوك يسير بستان
يفتح الورد على خدودك يمحى الاحزان
اوعى الحزن يعشش جوه قلبك قبل الاوان
وما تحزن يوم يا قلبى الحزن يوجع الابدان
الدنيا حلوه وجميله وفيها البشر اشكال والوان
فيها الخبيث وفيها اللى قلبه مليان بالايمان
وفيها بشر مش بشر قلوبهم حجر صوان
ارمى حمولك على الخالق هو الحنان المنان
اوصلى طريقك خليه مفروش بالورد والريحان
الدنيا مراكب سايره ما بتقف على رحيل انسان
اصنعى بالامل طريق لحياتك وثقى بالله الرحمن
اللى يقصد باب الكريم عمره ابدا ما ينهان
انفضى الحزن من فوق كتافك شيل الهم من العصيان
ربك كريم ورحيم خالق الكون يبدل بالافراح كل الاحزان
افرحى واضحكى وعيشى الحياة بقلب سعيد فرحان
الامل بيفتح جميع الابواب وينثر الخير والسلام والامان
ادعى ربك يلهمك الصبر وتدخلى جنته من باب الريان
.............................
::::: بقلمى // حنان محمد عبد العزيز ::::: مسجله بتاريخ 2015/7/8
ليست هناك تعليقات:
إرسال تعليق