== اعلي ورفرف ياعلم فوق متاريسي == بقلم ا//رضا عبد الوهاب

اعلى ورفرف ياعلم فوق متاريسى
وأقف هنا يازمن حيى رئيسى
قالها وكانت كلمته كحد سيفى
لازم هنحفر القناة بايديكو انتوا
ودا شىء رئيسى..وانت هات
القلم وحضر الكراريس هنسطر
تاريخنا بدمنا ودمنا فوق أرضها
أبدا عمره ما كان رخيص
من كم سنة كنا هنا نفس الكلام
والدندنة نفس الهنا كنا بنكتب ملحمة
بعد العبور ...عبرنا تانى فى القناة
قناة السويس ..كله وقف تعظيم سلام
خطوة معانا للامام ..لا مليون كمان
وعملتها شعب واعى محترم شعب
عمره ماحد عليه ضحك ولا بالكلام
شعب ثار .نور ونار..مسلم مسيحى
ايد فى ايد مع بعض هنعدى أكيد
من الضلمة لسنين انتصار
قلنا نمد البحر نزوده ونجدده ونشيده
بمليون فنار والصحرا نزرعها خضار
وتكون عمار عدينا فترة الانكسار
الشعب عمره ماحد ملاه القرار
ولاهزمه مجرم...أو رئيس
الليلة جايين كلنا بشملنا..بعزنا .
بفرحنا ..بايدينا ماسكة فى بعضنا
شرطة وجيش نرفعها واحدة للسما
نودع شهيد علشان ترابها ضحى
بحياته اكيد والنهاردة جزء من حقه
يعود لما تتحقق وعود ومية تجرى
فى ارضنا وزفة وطبلة نزف العريس
هناخده من هنا من عندنا...طوالى كدا
من قبلى لبحرى بالزفة لقناة السويس
وانت ياشعب افرح وهيص ...وغنى يللا
غنوتك على ارضنا سينا وبور سعيد
العريش والسويس ..
حلوة بلادى السمرا بلادى الحرة
تعيش با مصر........مصر تعيش
‫#‏مصر_بتفرح‬
‫#‏الشاعرة_رضاعبدالوهاب‬