(( انكتب عليا وعليكي )) بقلم ا// عبد الفتاح عزت

{ أنكتب عليا وعليكى }
ياللى الفراق أنكتب
عليا وعليكى .
حكم عليا ربنا منساش
نظرة عينيكى .
وﻻ أنسى فى يوم حبنا
وأشتاق للمسة أيديكى .
. ولو لسة فاكرة زمان
دا أنا ياما كتبت ليكى .
. أشعار حب وغرام
وكل كلمة بتناديكى .
. وأطمنى وحسى باﻷمان قلبى
فاكرك ومش ناسيكى .
دا أنتى الروح والوجدان
ومسيرى تانى هﻻقيكى .
. بحنلك ف كل وقت وكل أدان
وقلبى بحياتة يفديكى .
أشتقلك أروح نفس المكان
اللى عرفنى بيكى .
. هناك بحس بالتوهان
وأسرح بخيالى فيكى .
فجأة حسيت بالحرمان لما شوفت
ايد غيرى فى أيديكى .
لحظة صعبة على أنسان
حبك ولسة مشتريكى .
. ولو أنتى أخترتى النسيان
ربنا يسعدك ويهنيكى .
ياللى الفراق
أنكتب عليا وعليكى ..
بقلم الشاعر / عبدالفتاح عزت .