اجمل الغنوات
جيت اكتب غنوه غنيتك
لائيتك ع الورق كلمات
حروفها انغام بتتمايل
يا عيني ياليلي ع الآهات
عيونك قصه وحكايه
بتغني الغنوه ويايا
ياقلبي ياروحي ياهوايا
في حبك عدي عمري وفات
جيت اكتب غنوه غنيتك… لائيتك ع الورق كلمات
رموشك قاتله وسهامها
لا يمكن اقوي ادامها
دي جارحه القلب من يومها
بأجمل جرح بالنظرات
جيت اكتب غنوه غنيتك… لائيتك ع الورق كلمات
شفايفك لما تتكلم
بحس ان انا مسلم
ولو مجروح وبتألم
كلامها يسكن الآهات
جيت اكتب غنوه غنيتك… لائيتك ع الورق كلمات
وايدك لما بلمسها
بيوصل ليا احساسها
بياخد الروح يرقصها
بحبك يا اجمل الغنوات
جيت اكتب غنوه غنيتك
لاقيتك ع الورق كلمات
بقلمي… محمود ابوالوفا
السهم
ليست هناك تعليقات:
إرسال تعليق