قدام عيني بنت ماشيه بدمعتها
حالها يصعب علي الكافرين
اه لو عرفت حكايتها وقصتها
من الصدمه قلبك يتقطع بالسكاكين
ابوها وامها ماتو وسابوها
لعبه ف ايدين الدنيا والأيام
وكل قرايبها ياريت رحموها
ظلموها ياناس والظلم حرام
فرقوها من حبيب عمرها
خلوها مغلوبه علي أمرها
ومن بيتها طردوها وشردوها
وبقيت تايهه ف الدنيا لوحدها
كانت جميله شبه الغزال
لكن من الحزن ضاع الجمال
وتاهت ف الدنيا الواسعه
وحالها مبقاش هوا الحال
انطردت من بيتها وحتتها
والظلم دوبها وفتتها
وف اخرت المتمه والتوهه
السرطان بقا يرعي ف جتتها
ارض الخير حواليها ناشفه
مسكينه وزمانها وجعها
ولما تعبت نقلوها المستشفي
فاقت لقتهم قطعو دراعها
وبكت وبقت الدموع كل حياتها
بتشكي لربنا اوجاعها وآهاتها
ياما يادنيا فيكي ناس مظلومه
ومارتاحتش من يوم ميلادها لحد مامتها
وانا مش عارف ليه الناس ماسكه ف الدنيا
وبيبصو لبعض ومن بعض بيغيرو
ياناس سيبونا من الدنيا وحال الدنيا
صحيح الواحد بتهون عليه بلوته لو شاف بلوة غيرو
ياريت نخاف علي بعض صغير وكبير
ياخلق فوقو بلاوي الدنيا كتير
ياريت نعيشها بألفه وحب
وندعي يارب نطلع منها بخير
ليست هناك تعليقات:
إرسال تعليق