. قصيدة كانت حبيبتى...... ........... اسلام إسلام الشاعر

كنت دارها وهى دارى

من قدرها كان قدارى

كنت لما اشتاق اليها

جوه قلبى اكتم ودارى

..... 

كنت نارها وهى نارى

من مدارها كان مدارى

كنت لما بشوف عينيها

بنسى نفسى وانسى دارى

.....

كنت جارها وهى جارى 

من خضرها كان خضاري

كنت لما بحس بيها ...

بترعش وبخاف ودارى

.....

كنت جواها الحنين 

وهى معنى للسنين

كنت مش بكتب حبيبتى

كنت بكتب قلبى فين...

.....

كنت تايه بين دروبها 

كت حبيبتى وانا حبيبها

كنت مش بعرف انام 

اللا لما الليل يسيبها

.....

كنت شايف فيها بحرى

والسما من لون عينيها

والملامح صبح بدرى...

والنسيم من حبى فيها

.....

كنت ليلها وهى بدرى

والكسوف مكتوب عليها

فجاه غابت عن عينيا

سابت الدنيا وما فيها

............ قصيدة كانت حبيبتى......

........... اسلام إسلام الشاعر

أعجبني

أعجبني

أحببته

هاهاها

واااو

أحزنني

أغضبني