( لــَسـعــِـة الـصّــبــَّـار ) ـ بقلم الشاعر / أبو عمار المصرى

لــَسـعــِـــة الـصّــبــَّـــــار

<<<<<<>>>>>>

طالعة النجوم
عمـَّـالة تخنـُق فى الضلام
والقمر طالـِل
بيرسـِم ضـِحكـِتـُه
على خدّ السما
والشمس لمـِّت وشـَّها لاصـفـَـر
وراحت للغروب
غرقـِت فى بحر الكون
وسابت عرشَها
كل الطيور
فاردة جناحاتها للبراح
وأملها ترجع بالسلام
على عـِشـَّها
صياد ولابس
وشّ آدم
وسلاحـُه
ضـِحكـة ملـوّنة بالدم
يرمى الطيور برصاص برئ
ويرش ميـّه نار
على الزغاليل
وانت اللى واقفة
زى ما انتِ مكـَتــِّفـَة
وجراح طيورك فى القلوب
متسـتـِّـفــة
لسـَّاكى برضو بتحلمى ؟
ولا خلاص الحلم بان
صورة فى لوحة مزيفة؟
سايـِق عليكى
كل نبضة فى الوريد
سايـِق عليكى
عين بتـِدمـَع م اللى صار
سايق عليكى
صرخة الطفل الوليد
ما تخليناش نرحل بعيد
ما تخليناش
نكره فى حضن المر
أيام الميلاد
ما تكرهيش فينا الولاد
ما تفكريش ريقنا اللى
ناشف م الوجـَـع
بلسعـِة الصبـّـار
..............
بــقـــلـــــــم الــــشــــــاعــــــــر
أبــــو عـــمـــــــار الـــمــــصـــــــــرى