( كفايـــه ) ـ بقلم الشاعر / جمال البطاط

كفايـــه

كفايـــه
بلاش م الحب
ملينا جراح وتعب
كفايه نعيش بقلب جبان
مايعرف للهوي عنوان
بلاش نقبل بقلب رهين
يكون تايه مع التايهين
ونفضل علي الاهات صابرين
ونتمني سنين وسنين
ويوم بيعدي طوله انين
ويملي القلب شوق وحنين
وتتبدل حياتنا عذاب
ونفضل وسطنا اغراب
يهون الاهل والاصحاب
ونخرج من عتاب لعتاب
خلاص الفرح عدي وغاب
وساب الحزن ويا عتاب
معانا الجرح ع الابواب
وملينا جراح وتعب
بلاش م الحب
شاعر البرلس 

[جمال البطاط]