(( الحلو مايكملش )) بقلم : محمد السعيد

(( الحلو مايكملش ))
بقلم : محمد السعيد
...............................

فيك حاجات تشد العيون
وحاجات تانيه ماتتقلش
خساره طبعك غير ملامحك
يعني الحلو مايكملش
****************
لو تبقى الصوره الكامله
اللي راسمها ليك في خيالي
هقولها من غير مجامله
فيك كل اللي في بالي
****************
الجمال مفيش اختلاف
بس فيه حاجه مش في بالك
لما بيحصل بنا خلاف
بيبقى طبعك غطى جمالك
*****************
لو طبعك حبيبي يتغير
تبقى أحلى مافي الكون
تبقى في عيني طفل صغير
كله براءه فين مايكون
******************
لو تبقى الصوره الكامله
اللي راسمها ليك في خيالي
هقولها من غير مجامله
فيك كل اللي في بالي
*******************