( آه يا عينى ) ـ بقلم الشاعر / عادل الشهابى

آه يا عينى
آه يا عينى على واحد مظلوم ...
عايش فى الدنيا ومحصراه الهموم ...
كان بيحلم بيوم يقدر فيه يقوم ....
وبيوم تكون السما صافيه وبدون غيوم ...
وبيحلم بليله ينورها القمر مع النجوم ...
قام ونادى على أصحابه ...
وراح على كل واحد ودق عليه بابه ..
خرجوا كلهم وألأيد فى الأيد ...
خرجوا يقابلوا عصر جديد ...
عصر يكون فيه البسمه والكل يكون فيه سعيد ..
قالوا خلاص راحت الأحزان ...
والبسمه هتعم كل المكان ..
والأنسان هيتعامل على أنه إنسان ...
قام وأتصدم وراح منه الكلام ...
وعرف أن كل ده كان مجرد أحلام ...
عينى عليك يا حزين ...
يالى كنت بتحلم تكون من البنى آدمين ..
ولكن قهرتك الأيام والسنين ...
وحكمت عليك تقضى باقى عمرك حزين ...
ربى يا كريم رحماك ....
عايش وماشى يا ربى فى حماك ..
آه يا عينى على واحد مظلوم ...
أتحكم عليه يعيش طول عمره مع الهموم ..
بقلــــــم: عـــــادل الشـــــهـــابى