(( جرح القلوب )) ــ بقلم الشاعر // محمد إبراهيم

جرح القلوب

انا لو كنت اعرف ان الهوى غلاب
لكنت بعت لكل صباح همس العتاب
زمن وغدار يجرح قلوب ويجرح عنينا
ولما نشتكي الزمان من غدره يجيبوا الحق علينا
بطلنا نشكي يا زمن ونشتكي لنور عنينا
اصل اللي راح ماترجعوش الاه ولا بدمع عنينا
وكنت صابر يا زمن يا اللي مالكش صاحب
صدقت لما قلولك الفرح في عنينا غنوة وحدوته
نسيت اللي كان بنا وهانبتدي الحكايات
طلع القمر علينا وفي كلمته سامع الاهات
ماهنش عليك تجرحنا وسمعتنا عبارات
طلعة من بين شفايفك غنوه وهي كدبة البهاوات
مش عيب عليك يا زمن هو بنا خد وهات
داحنا يادوب الهوى فرحنه وصدقنا الحكايات
ويادوب احنا اللي جرحنا ما كنش عليه اللوم عشان احنا اللي صدقنا كدبه وقولنا كان بيتوب
طلع احنا اللي كان لازم نفتش علي المكتوب غشاش وقلنا معرفناش نفهم كلامه بالمقلوب
لما كان بيقول بحبك اتاريه ناوي ويقول ده المكتوب
ياعني هو انكتب علينا ما نصدق المحبوب
والا ده كان نصيب واتخدعنا في المركوب
كتير بنشوف يا زمن اصيل بيصدق خسيس بيتوب
وعجبي عليك يا زمن صحيح زمن مالهش قلوب
الشاعر محمد ابراهيم