(( مـــات الأبنــــودى )) ــ بقلم الشاعر // عادل الشهابى

مـــات الأبنــــودى
إبكى ونوحى يا وهيبه .
مات الأبنودى وسابك فى دنيا صعيبه ...
دنيا فيها لوحدك أصبحتى غريبه ....
رحل عن الشجر وكل المكان ...
رحل يا وهيبه وترك فى إديكى البرتقان ...
تحت الشجر كان قاعد يغنيلك ...
بخيوط من النهار يغزلك توب ليلك ...
يا وهيبه نوحى طول عمرك هتكونى حزينه ....
هتوهى بين الشجر والفاكهه مش هتلاقيلك مينا ....
مات اللى كانت برتقانتك قلبه .....
مات اللى كنتى محميه بحبه ....
واللى كانت سعادتك جمبه ....
أحزن يا لحن نوحى يا كليمات ..
عن فارس الوطنيه والشاعر اللى مات ...
مصر بكلامه كان يساندها حتى فى النكسات ...
فى حُب مصر ماهموش أى تهديدات ...
غنى للكبارى غنى للرمال فى سينا ...
غنى لما أنتصرنا كمان وعدنا ....
غنى ومع كلامه صقفت إدينا ....
غنى للغنى غنى للفقير ...
مات الشاعر اللى كان قلبه كبير ...
مات اللى على الكلمه توجووه أمير ...
بكيت ودموعى نازله على خدودى ....
على فراق الخال الأبنودى ...
إبكى ونوحى يا وهيبه ....
مات الخال وسابك فى دنيا صعيبه ....
بقلـــــــم: عـــــادل الشــــــــهـــــابى