( اْمل فى الانسانية ) بقلم الشاعر / أحمد صبري

أمـل فى الانسانية

من بداية الانسانية
اخ كان قاتل اخوه
والحقايق تمثيلية
اب كان كاره ابوه

بنت واحدة شايلة وردة
بس من بين البنات
بنت جامدة عزالة شارة
عيشت قلبي حكايات
حاجة قلبي محسهاش
اني يوم هموت عشانها
حاجة فيا ماشوفتهاش
اني اقرب ليها منها
بس عاشت ذكرياتي
تندفن تحكي عليا
مين يوصل لي كتاباتي
في تاريخ الانسانية
حبي ليها اقوى شيء
حب اكبر م الحياه
كنت ليها مش عشيق
كنت طريق النجاه
الحكاية واللي فيها
شمعة يطفيها المطر
وانتظار النار تحييها
زي مهد المنتظر
وانكتب فوق القمر
واد وكان اسمه امل
انكسر وسط الخطر
عشان حبيبته اتقتل
ايوه مات لكنه عايش
امل وكان الضحية
اتاْكل بين الوحايش
فين يلاقي الانسانية
م البداية ناس تعيش
ناس تموت وتندفن
ناس تروح ماتجيش
ناس تتوه او تنسجن
ناس بتحكم مين يكون
ماسك ومين يسيب
لسه رسماها العيون
مكتوب قسمة ونصيب
غلط صح عيييب
مال بنون ودم
ويقولو كان غريب
امل ب لون الهم
ساب حبيبته ومات
وساب حروفه هدية
في حواري الامنيات
امل ف الانسانية
بقلم / أحمــد صبــري