( نفسى مره تقولى بحبك ) ـ بقلم الشاعر / أشرف عبد الحليم

نفسى مره تقولى بحبك

اسم مالله عليك وعلى جمالك
وعلى حلاوتك وقوامك
ماشى على الارض هددها هد
ومخلى كل حاجه بتشب
وبتدلع ولا ف دماغك حد
ميت مره عايز الفت نظرك
وانت ولا حاجه بتهمك
نفسى مره تقولى بحبك
مقرب أمد أيدى واشحتها
مالك بتقول يا أرض أتهدى
دامفيش حاجه عليكى قدى
وعمال تزلزل ف قلوب الناس
ومعاك تجيبها يمين وشمال
وتحيتهعا حتى مابترضهاش
أن كنت شايف نفسك جميل
خلق الله ف الدنيا كتير
بس أعمل أيه لقلب زللنى
متمسك ومتشعلق بيك
وكل ماعاتبه عشان يبعد
يصعب عليه ودموعه تفيض
اه لو قلبك شوقو يحس
ولا عنيك يجيبها عشق
كان م الشوق قلبك رق
وكنت جيتنى علشان تتحب
وكنت بس أقولك كلمه
ترد عليها بميت ضحكه
أنت ليه بس حارم نفسك
وحارم حد يدخل قلبك
وليه محيرنى وراك
وكل يوم استناك
ونفسى بنظرة شوق وحنان
داكل الناس عرفت مواعيدى
وأول مايلمحونى ف عنيهم
يظبطوا ساعاتهم ف أديهم
ارحم نفس ماتقتلهاش
علشان دى ذنوب حسابها هناك
على اللى عامله ف خلق الله
دى كل الناس بتدعى عليك
ونفسها تشفى غليلها فيك
مالك مش عايز تحس
لقلب عتدى عشقك عشق
وكل ماحب أعرف عنوانك
تهرب وتزوغ وماعرفكش
هو عمرى عندك لعبه
علشان تضيعه بعندك ده
حد يهرب من دنيته
ويبعد عن قلب عشقه
قلى أن كان قلبك مع حد
أهى كل الناس مخبيه كتير
ماهو كل العشاق أصحاب
فى الهوى ملسوعين بالنار
أنا روحى مش طايقه حد
ومقرب أموت م الهجر
ومش لاقى يصبرنى حد

بقلم : ( أشرف عبد الحليم )