---------------------------باكتب عربى---------------------------
باكتب بقلمى
والحبر ده حبرى
بكتب عربى
يااخوانا موش عبرى
الحرب على الاسلام
يامصرى
الحرب على الاسلام
ياعربى
العدو واحد فى كل
مكان
واحد اذا كان
يهودى
أو صربى
شرقى أو غربى
فكر معايا يا أخويا
فكر معايا
ياصاحبى
أستسلم وأرضى بالهوان
ترضاها
وأخويا بيتقتل جنبى
أكتب ياقلم ع ال اتقتل
وال اتظلم وال كسر
قلبى
اكتب وقول واصرخ
فى وش
القهر وعدّد
مطالبى
قول عن ال غدر بالبلد
وغدر بى
قول عن ال غدر
بالبلد
وغدر بى
لما تلاقى السواقى
فى بلدك من غير ميّه
أمال ليه سموها
سواقى
والأرض شراقى
وأدينا عايشين
عايشين على البواقى
الباقى من الأيام
والباقى من سكتنا
والباقى من الأحلام
الباقى من دنيتنا
يابلدنا ياكتاب
على الأعداء
مفتوح ومشروح
ومفضوح
وعلى أهلك
وناسك وجيرانك
بتوزعى الموت
وبتنزعى الروح
وده فى قانونك
وعرفك مسموح
يابلدنا مابقتش
التجارة شطارة
ولا البنزين تشرب
منه الحماره
لما يقابلك كفيف
اديله جرنال
وقوله سمعنى
هيصدق نفسه
ويقول لك ولع لى
سيجارة
فقعد مستنى
تولع وبعد فترة
اكتشف ان لك
ودان مستعارة
كله بيضحك على كله
والكل على اشارة
يابلدنا فلاحينك
طواحينك
زى حمار فى
ساقيةومغميينه
مات جواه الزمن
ومن تعبه حرمينه
لا لاقى الميه يروى
ولا لاقى ال يعينه
يابلدنا خيرك كتير بس
ولاد الكلب نهبينه
الشاعر/عبدالجواد خاطر
ليست هناك تعليقات:
إرسال تعليق