( اة يانى يا غربة ) - بقلم الشاعر / عبدالفتاح عزت

( اة يانى يا غربة )
يا امى الغربة دبحانى .
وعلى العذاب والمر واخدانى .
ومن اهلى يا غربة حرمانى .
وعايش يا امى واحدانى .
بحسب اوقاتى وايامى .
وصابر ع الدنيا وزمانى .
والفرحة ف الغربة مخاصمنى .
والشوق تعبنى وذﻻنى .
دا الناس ع الغربة حاسدنى .
مﻻيين ف البنك وفاكرانى .
فاكرينها وصية وحسبالى .
( اة يانى يا غربة واة يانى )
دا الهم عارف عنوانى .
وهموم ورايا وقدامى .
هتفسح فين بس يا هانى .
والجو بقى اسود دخانى .
وناس غريبة صوتها مالى ودانى .
وابن بلدى اتغير وبقى معاية انانى .
(اة يانى ياا غربة ياللى تعبانى ).
الطيب فيكى مش راسى بمينا .
والحزن ف قلبى يمﻻ سفينة .
واﻻيام صعبة وﻻ بتعدى علينا .
والدمع يا غربة مالى عينينا .
بسمعلك ديما غنوة حزينة .
بس الهم مش راضى بينا .
تعبنا خﻻص وفاض بينا .
على فين يا غربة هتودينا .
دا الهم مش محتاج لينا .
(اة يانى يا غربة واة يانى )
دا انا نفسى ارتاح من الهم شويا .
معرفش لية متماسك بيا .
بصيت ع الضفة الغربية .
لمحت راجل بجﻻبية .
وناديت يا فﻻن رد عليا .
انا مصرى زايك مية لمية .
من الغيظ بصلى بصة غبية .
بيقولى الغربة تضحية .
ومهما تعمل ملكش دية .
(اة يانى يا غربة واة يانى )
دا الهم بان حتى ف شكلى .
وﻻ حد حاسس بمشاكلى .
كان نفسى اتوظف حتى بذقة .
كان اتجوز واجيب شقة .
بس منين وغدايا وبدقة .
ومفيش غير الصبر وبﻻش ﻻءة .
بيقولو عليا انا دقة قديمة .
علشان راجل وعليا القيمة .
صابر والنية سليمة .
(اة يانى ياغربة ياللى تعبانى )
اة يا لهوى يا لهوى واة يانى
مين حاسس بيا واحزانى .
دا الحزن سكان فى مكان .
ودبلت ورودى فى بستانى .
لو كنت اصرخ اة ياااااانى .
كنت هﻻقى اهلى سمعانى .
واشكيلهم من دمعة مضيقانى .
بس الغربة عنهم بعدانى .
وعينيا ع الدمع مطوعانى .
والضحكة ف قلبى مفرقانى .
(اة يانى يا غربة واة يانى )
متخفش يا على الغربة معدية .
وانسى الهم يا اخويا شويا .
دا ااحزن ملهوش فدية ودية .
والله هتفرج مية المية .
انا بضرب نفسى ميت جزمة .
علشان ف الغربة ملناش ﻻزمة .
نطلع من ازمة لميت ازمة .
هنعيش ف الغربة بكل ضمير .
زاى الطيور والعصافير .
وملناش غيرك يارب كبير .
(اة يانى يا غربة واة يانى )
ملكيش قيمة وﻻ معانى .
ضعيت عمرى واحﻻمى .
وزودتى الهم فى شبابى .
وكسرتى كل ابوابى .
وبعدت عن اهلى واحبابى .
اة يا حزن يا قلبى ويا عذابى .
اة لو كنت معاية كتابى .
مكنتش تعبت حتى بجوابى .
حسى يا بلدى مرة بكﻻمى .
ما خﻻص ناقص اية يحصل تانى .
اة يانى يا امى الغربة دبحانى .

بقلم / عبدالفتاح عزت