( أجيلك أقبل جبينك ) ـ بقلم الشاعر/ محمود ابوالوفا

أجيلك أقبل جبينك

أجيلك............اقبل جبينك
وهامته اللى عاليه
أجيلك..........واكفن شهيدك
بعلمك ياغاليه
واعطر هدومى....واغسل همومى
واحلف تدومى......بدمه وأيديه

أجيلك....بحلم السنين
وفرح العينين........ببكره الجميل
شايفك عروسه
بطرحه وبيشه
وضحكه بشوشه......بين خضره ونيل
يابلدى
يامصر ياساحره
يااللى كليم الله على ارضك هزم السحر والسحره
وعيسى روح الله عاش على ارضك ومريم الطاهره
ومحمد حبيب الله قال على ارضك انت لاعداءك دايما القاهره
.....................................

بقلمي/محمود ابوالوفا