( أنا العربي ) ـ بقلم الشاعر / نادر المغلوب

!! _ _ _!_ _أنا العربي _ _!_ _ _!!

أنا العربي ومتقدر
وبلادي علي الصعاب تقدر
لكن الخطوه محسوبه
وناس سلميه بتعبر

أنا العربي وقلبي نضيف
وثورتنا علي التزيف
جت قالت عداله ورغيف
وكل الشعب بيكبر
تونس ياخضرا من عندك
كل الشباب واقفين جنبك
خلعتي زين من دربك
دا شبابك واعي وبيفكر
ومصر أمي يا محروسه
سلام لبلدي ومييت بوسه
بعد ما كانت محبوسه
من الظلم قالت نتحرر
وأحفاد عمر بصوت دافي
قالوا ليبيا شعب عنيد وافي
حاربوا ونهوا علي القذافي
والنصر تاني بيتكرر
وأصل العروبه يا يمني
ياشباب وثاير في العلني
خلعتوا صالح من زمني
وكرمال معاكوا الله ينور
بلد الرجال ياسوريا
ثورة جمال ورقاب عاليه
مقبلتش يوم تكون جاريه
والنصر جاي الله أكبر
لكن الفرحه مش دايمه
ثورتنا بالإسلام قايمه
قلبوا عليها وبثانيه
الحلو طعمه بيتمرر
جراح ثورتنا مكتوبه
والدنيا غالبه ومغلوبه
وفلولكوا بكره تقول توبه
وربيعنا تاني هايتمنظر
أنا العربي ومتقدر
وبلادي علي الصعاب تقدر
لكن الخطوه محسوبه
وناس سلميه بتعبر

بقلم  / نادر المغلوب