( لسة زمن حيك ) ـ بقلم الشاعر / إيمن بلال

... لسة زمن حيك ...

 يسهر نسيم الليل
يستني نور فجرك
....
ينزل نداكي عطر
يحضن ربيع صبحك
...
وأنا حكاية عشق
ما كانت الا لقلبك
.....
كتبها زمان الصعب
أيامها سطور هجرك
....
ومهما كان الكاس
حلو كاس مرك
.....
يارحلتي في دنيتي
بادور فيها علي حبك
....
ومهما مر علينا العمر
طريق العمر قاصدك
.....
ولو دورتي علي حكايتي
حكايتي من سنين عندك
.....
عاشق مر علي أيامك
وتاه عمره هنا جنبك
.....
عاش ليلة في أحلامك
وتاه في الحلم مع حبك
......
عاش وهم الهوي أيام
وضاع منه بكلمتين منك
.....
بس ايه هي الحياه
غير يومين كانوا بقربك
......
عشت فيهم أجمل حكاية
وكفاية انها حكاية ف حبك
......
ومهما مرت عليا سنين
تفضل ذكري الهوي عندك
.....
تحكي اللي كان بيننا
وتستني يوم قربك
...........................

أيمن بلال