( حـلمنــــا ) ـ بقلم الشاعر / أحمد عيد

&& حـلمنــــا &&

حلمنا وهنفضل نحلم
وحدت عروبتنا املنا
مهما الضربات تألمنا
صعب الغرب يفرقنا

مصرى فلسطينى وسورى
مغربى لبنانى سعودى
كلنا كدا واحد ديمأ
والشمس بتنشر نورى
احنا هنفضل واحد فالوحده تبان قوتنا
مهما الصهيون هيقولو عروبتنا هتفضل بيتنا
اولادك هما ولادى
وبلادك هى بلادى
دمك فالاصل دمى
عربى وعروبتك منى
ارسم املك بأديك
الفجر بينده ليك
كل بلادنا هتحرر
اصرخ بكل مافيك
احنا هنفضل واحد فالوحده تبان قوتنا
مهما الصهيون هيقولو عروبتنا هتفضل بيتنا
كل عربى هنحميه
بروحنا ودمنا نفديه
ونرجع بسمته ليه
ويبان نورها فعنيه
كل الاطفال هتعيش
من غير خوف ولا تشويش
بكره يا عربى هنتجمع
نبنيلهم اقوى جيش
ماهو احنا هنفضل واحد فالوحده تبان قوتنا
مهما الصهيون هيقولو عروبتنا هتفضل بيتنا
ماهو احنا هنفضل واحد فالوحده تبان قوتنا
مهما الصهيون هيقولو عروبتنا هتفضل بيتنا
حلمنا وهنفضل نحلم
اصرخ اتكلم قول
انا عربى وهفضل عربى
والعربى اساس الكون

&&&& الشاعر / أحمد عيـــد &&&&