=== رساله متاخره جدا === بقلم ا// عدنان خليفه

رسالة متأخرة جدّا.
كتبتلّك هالرساله يمكن توصل بعد سنين
يمكن حتّى ما توصل و ما تبيّن من مين لمين
وجهي تغيّر واسناني و حكياتي مش موزونين
إجريي ثقلوا عالمشي و صاروا عيوني تعبانين

يومية عمبتمشى عا طريق المنارة
تا شوفك صدفه صعبة وانتي صرتي ختيارة
مكتوب عليّي ابقى اتسلّى بالصنّارة
و بالشتوية بعزّ البرد تطفي معي السيّارة

و بيقولولي حكي كثير عن حالي شي بيجنن
لكن انتي بنصّ القلب و هنّي كلّهم غلطانين
من دونك ما في لذّة و ما بتهنّى بطعم التين
و حتّى لو صار لي غيرك بقلّهم (شكرا ممنونين).

عدنان خليفة
بيروت