قلّة حظّ.--عدنان خليفة

قلّة حظّ.

يا ليت نرجع نلتقي بالعمر
و لو انه كمان بسّ شي مرّة

متّع عيوني عيش لحظة فرح
مرمغ شفافي بخصلتها الشقرا
يا حلوتي ما كان بالحسبان
تهاجري حبّي و تسافري لبرّا
بحبك أنا و يا ريت فينا نكون
أحباب أو أصحاب مش عبرة
بتبقى عيونك للقلب مفتاح
و عا طول بعدك ما تنفّضت غبرة
لو شاب عندي الشعر وانكسر القلم
بتبقى الرسالة رمز للذكرى
ذكرى بإنّي بيوم حبّيتك إلك
لكن خسرتك وانطوت قصّة
قصّة معتّر عايش عا أمل
يربح بورقة الجايزة الكبرى
جوعان يحلم بالشبع بكّير
ولا بيوم زاد خبز اليوم لبكرا
لا قدرت كون الفارس المغوار
ولا صابت معي الورقة ولا نمرة
عدنان خليفة 

. 
17/04/1997