( فوقوا يامصريين ) بأنامل ماسية للواعدة / ندى محمد

***** فوقوا يامصريين *****

اليوم مات ستين
وبكرة الأربعين
هفضل أنادى
وأقول ليوم الدين
فين حقكم يامسلمين
مات منكم القليل
و لسة باقى كتير
دمكم غالى وكبير
بس حقكم قليل
حق جنود مصريين
حسوا بالآلام وساكتين
ماتوا صايمين وجعانين
فى شدة عطشهم شغالين
مات الشاب الجدع الأصيل
مات الأخ الغالى العظيم
سئلوه نفسك فى أيه
وأيه توصينا أحنا بيه
قال خلى بالكم من البلد ده
وأوعوا تنسوا أنا مت ليه
مات إبنك ياحاجة شهيد
فى كل حارة وكل بيت
مات على يد مجرم كبير
على يد إخوانى حقير
شايف نفسه هو الكبير
هو حاكم البشر والجميع
بس متخفش ياعميل
سوف تأخذ حكمك عن قريب
وحق الشهيد راجع
حتى لو هندفع كتير

بقلمى / ندى محمد