مسافر لفين . بقلم : كمال الدين محمود

مسافر لفين...يا قلبي الحزين..

بتصعد تلال..

وراها جبال...

وتسقط صريع..

لارض المحال....

تلاقي سراب..

وحواليك ضباب..

مسافر لفين...مسافر لفين...

علي المستحيل..

وارضه البعيده...

تماثيل خيال...

ووهم الامال...

واحلام كبيره....

نهاية تراب...

ولحظة غياب...

مسافر لفين....

هتفضل حزين...

وحزنك دفين....

مابين حلم ضايع..

وبين قلب راجع...

يحن يأنيين....

مسافر لفين...ياقلبي الحزين...

لابعد مكان...

يكون فيه أمان...

وترتاح برحله...

مكانتش سهله...

نحط الرحال....

في ارض الخيال...

تلاقي ضباب...

مغطي السحاب...

وفارش خيوطه..

وكاتب غياب...

بيسأل سؤال...

مسافر لفين...لفين...

لقلب الحنين...

ما ضاع الحنين....

في عرض السنين....

وفضل السؤال.....

لبعد البدايه...

وقبل النهايه...

معاك انت ايه...

مابين الا تنين...

معاك قلب صافي...

معاك حضن دافي....

معاك جملتين...اتنين..

حفظهم في عقلك....

وصوتهم رنين....

معاك أغلي دين....

وكلمة أمين...أمين....

دليلك تدلك....هتوصل لفين

.....

بقلمي...كمال الدين محمود......